𝐃𝐃𝐍

  کراچی (نیوز ڈیسک) پاکستان اور ایران کے وزرائے خارجہ کے درمیان ٹیلی فونک رابطہ ہوا ہے، دونوں رہنمائوں نے حماس کے سربراہ اسماعیل ہنیہ کی شہادت کا معاملہ اسلامی تعاون تنظیم (او آئی سی) اجلاس میں اٹھانے پر اتفاق کیا ہے۔  ترجمان دفتر خارجہ کے مطابق نائب وزیراعظم اور وزیر خارجہ اسحٰق ڈار اور ایران کے قائم مقام وزیر خارجہ علی باقری کے درمیان ٹیلیفونک رابطہ ہوا۔ ایرانی وزیر خارجہ نے حماس کے سربراہ کی شہادت پر ایرانی لیڈرشپ اور عوام کے غم و غصّے سے اپنے پاکستانی ہم منصب اسحٰق ڈار کو آگاہ کیا۔ اسحٰق ڈار نے اسماعیل ہنیہ کی شہادت پر وزیراعظم شہباز شریف کی جانب سے مذمت اور قومی اسمبلی کی قرارداد سے ایرانی وزیر خارجہ کو آگاہ کیا۔ نائب وزیراعظم نے دو ٹوک پیغام دیا کہ حماس سربراہ کا قتل عالمی قوانین، سفارتی آداب اور انسانی حقوق کی خلاف ورزی ہے۔  ایرانی وزیر خارجہ نے اس حوالے سے بلائی گئی او آئی سی کے اجلاس میں شرکت یقینی بنانے کے لئے اسحٰق ڈار کو درخواست کی۔ نائب وزیراعظم نے او آئی سی کے وزرائے خارجہ کا غیر معمولی اجلاس بلانےکی مکمل حمایت کرتے ہوئے یقین دہانی کروائی کہ پاکستان او آئی سی کے اس

  امریکی اخبار نیو یارک ٹائمز نے دعویٰ کیا ہے کہ اسماعیل ہنیہ کی شہادت تہران کے گیسٹ ہاؤس میں پہلے سے نصب ریموٹ کنٹرول بم سے ہوئی، یہ بم دو ماہ قبل اِس اہم ترین عمارت میں اسمگل کیا گیا تھا۔ امریکی اخبار کی رپورٹ میں بتایا گیا ہے کہ شمالی تہران میں واقع یہ گیسٹ ہاؤس ایک بڑے کمپاؤنڈ کا حصہ ہے جس کی سیکیورٹی پاسدارانِ انقلاب کے پاس ہے۔ امریکی جریدے کے مطابق بم کو ریموٹ کنٹرول سے اُس وقت پھاڑا گیا جب اسماعیل ہنیہ کی اپنے کمرے میں موجودگی کنفرم ہوئی۔ دھماکے میں اُن کا ذاتی محافظ بھی شہید ہوا۔ دھماکے سے عمارت کی کھڑکیاں ٹوٹیں اور باہری دیوار جزوی طور پر گر گئی۔ رپورٹ کے مطابق اسماعیل ہنیہ تہران کے دوروں میں کئی مرتبہ اس گیسٹ ہاؤس میں قیام کر چکے ہیں۔ ایرانی حکام، حماس اور کئی امریکی اہلکاروں کا ماننا ہے کہ حملے کا ذمہ دار اسرائیل ہے۔ امریکی اخبار کی رپورٹ میں یہ بھی کہا گیا ہے کہ اگرچہ اسرائیل نے حملے کی ذمہ داری قبول نہیں کی لیکن اسرائیلی انٹیلی جنس اہلکاروں نے حملے کے فوراً بعد امریکا اور دیگر مغربی حکومتوں کے ساتھ آپریشن کی تفصیلات شیئر کیں۔ رپورٹ کے مطابق اُس بم کو گیسٹ ہاؤس میں کی

  غزہ کے شہر خان یونس میں ناصر اسپتال کے قریب عمارت پراسرائیلی حملہ ہوا ہے جس کے نتیجے میں 7 فلسطینی شہید ہو گئے۔ عرب میڈیا کے مطابق گزشتہ برس 7 اکتوبر سے جاری جنگ میں اب تک 37 ہزار 953 فلسطینی شہید ہو چکے ہیں۔ عرب میڈیا کا یہ بھی کہنا ہے کہ اس جنگ میں اب تک 87 ہزار 266 فلسطینی زخمی ہوئے ہیں۔ غزہ میں کوئی کہیں بھی محفوظ نہیں: سربراہ یو این انسانی امور دفتر ادھر فلسطینی علاقوں میں اقوامِ متحدہ کے انسانی امور کے دفتر کے سربراہ آندریا ڈی ڈومینیکو کا ایک بیان میں کہنا ہے کہ غزہ میں کوئی بھی کہیں بھی محفوظ نہیں ہے۔ آندریا ڈی ڈومینیکو نے یہ بھی کہا ہے کہ غزہ میں ہم لوگوں کے پاس نہ محفوظ پناہ گاہ ہے، نہ ہی ہم فرنٹ لائن چھوڑ کر جا سکتے ہیں۔ اسماعیل ہنیہ قطری اور مصری ثالثوں سے رابطے میں ہیں: حماس دوسری جانب حماس کی جانب سے کہا گیا ہے کہ اسماعیل ہنیہ جنگ بندی اور قیدیوں کے تبادلے کے لیے قطری اور مصری ثالثوں سے رابطے میں ہیں۔ حماس کے بیانات کا جائزہ لیکر ثالثوں کو جواب پہنچائیں گے: موساد اس حوالے سے اسرائیلی بدنام زمانہ خفیہ ایجنسی موساد کا ایک بیان میں کہنا ہے کہ اسرائیل حماس کے بیانات کا جائ

  وزیراعظم شہباز شریف نے روس کے ساتھ بارٹر سسٹم کے تحت تجارت بڑھانے کی خواہش ظاہر کردی اور روسی صدر کو جلد از جلد پاکستان کا دورہ کرنے کی دعوت دے دی۔ قازقستان کے دارالحکومت آستانا میں وزیر اعظم شہباز شریف کی روسی صدر پیوٹن سے ملاقات ہوئی۔ اس موقع پر دو طرفہ تعلقات سمیت اہم امور پر تبادلہ خیال کیا گیا۔ اس موقع پر روسی صدر نے پاکستان کو توانائی اور زراعت کے شعبوں میں تعاون بڑھانے کی پیشکش کی۔ وزیراعظم نے کہا کہ انھیں صدر پیوٹن سے ملاقات کرکے بہت اچھا لگا، پاکستان کے روس کے ساتھ باہمی تعلقات ہیں۔  وزیراعظم شہباز شریف کا مزید کہنا تھا کہ پاکستان اور روس عرصہ دراز سے دوست ملک ہیں۔ صدر پیوٹن کو دوبارہ منتخب ہونے پر مبارکباد دیتا ہوں۔ ہمیں مستقبل میں تعلقات کو مزید مضبوط کرنا ہوگا۔  اس موقع پر روسی صدر ولادیمر پیوٹن نے کہا آپ سے دوبارہ ملکر بہت خوشی ہو رہی ہے۔ دو سال پہلے ہم ایس سی او اجلاس کے موقع پر ثمرقند میں ملے تھے۔ ہم نے دوطرفہ امور کو آگے بڑھانے پر بات چیت کی تھی۔  روسی صدر نے کہا پاکستان اور روس کے درمیان بہترین تعلقات ہیں۔ تجارتی روابط کی بدولت دوطرفہ تعلقات میں مزید بہتری آئی ہے۔ ت

  آرمی چیف جنرل سید عاصم منیر کی زیر صدارت 265 ویں کور کمانڈرز کانفرنس کا انعقاد ہوا، جس میں فورم نے امن و استحکام کیلئے شہداء، افواجِ پاکستان، دیگر قانون نافذ کرنے والے اداروں کی قربانیوں کو خراج عقیدت پیش کیا۔ پاک فوج کے شعبہ تعلقات عامہ آئی ایس پی آر کا کہنا ہے کہ فورم نے  پاکستانی شہریوں کی لازوال قربانیوں کو زبردست خراجِ عقیدت پیش کیا اور ملکی سلامتی کی مجموعی صورتحال کا جائزہ لیتے ہوئے ''عزمِ استحکام'' کے مختلف پہلوؤں پر تفصیلی تبادلہ خیال کیا، فورم نے انسدادِ دہشتگردی کیلئے اختیار کی جانے والی حکمت عملی کے ضمن میں”عزمِ استحکام“ کو اہم قدم قرار دیا۔ آئی ایس پی آر کا کہنا ہے کہ  ملک میں پائیدار استحکام اور معاشی خوشحالی کے لیے”عزمِ استحکام“ بہت ضروری ہے، دہشتگردی اور غیر قانونی سرگرمیوں کے گٹھ جوڑ کو ختم کرنے کیلئے عزم استحکام وقت کا اہم تقاضہ ہے۔ آئی ایس پی آر کا کہنا ہے کہ چند حلقوں کی جانب سے”عزمِ استحکام“ کے حوالے سے بلاجواز تنقید کی جا رہی ہے، مخصوص مفادات کے حصول کیلئے قیاس آرائیوں پر فورم نے اظہارِ تشویش کیا۔ فورم نے علاقائی سلامتی بالخصوص افغانستان کی

  پاکستان تحریک انصاف (پی ٹی آئی) نے آپریشن عزم استحکام کے معاملے پر جرگہ بلانے کا فیصلہ کرلیا۔ ذرائع کے مطابق پشاور میں خیبرپختونخوا بھر سے عمائدین اور رہنماؤں کے ساتھ جرگہ ہوگا، جس میں آپریشن عزم استحکام سے متعلق قرارداد پیش کی جائے گی۔ ذرائع کے مطابق قرارداد کی منظوری کے بعد سفارشات کی روشنی میں پارلیمنٹ میں معاملہ اٹھایا جائے گا۔ ذرائع کے مطابق جرگے کے فیصلے قرار داد کی صورت میں قومی اور صوبائی اسمبلیوں میں پیش کیے جائیں گے۔